Allt eru þetta duldar minningar....

Nú þurfum við Íslendingar ekki lengur að hafa áhyggjur af ástandinu hér á landi, vegna þess að nú er komin upp sú staða að allt sem við höfum veri að upplifa síðan október 2008, fall krónunnar, skuldahali, atvinnuleysi,fjölskyldur að missa heimilin sín, flótti til annarra landa í atvinnuleit, allt eru þetta  DULDAR MINNINGAR, hvað erum við að kvarta, eigum við ekki bara að láta eins og ekkert hafi gerst.

Tveir sólahringar án svefns

Ég var ein af þessum farþegum sem lentu í 23 klt seinkun frá Alicante, ég og mín fjölskylda vorum í nær tvo sólahringa án svefns,það skýrir það ástand sem við lentum í og við fengum ekki hótel. Ég verð þó að segja að mikið var ég fegin þegar ég sá að vélin sem flutti okkur heim var flott einkaflugvél fótboltafélags Sevilla,ég er dálítið hrædd um að Iceland Express þurfi að athuga betur vélarnar sem þeir bjóða uppá, þessar bilanir sem koma upp öðru hvoru gerir félagið ekki mjög traustverðugt.

Búið að borga fyrir flugvélina

Hættum þessu rugli ....

Er ekki nóg rugl í samfélaginu svo við förum ekki að flokka framhaldsskóla í mismundandi flokka.Það segir sig sjálft að þeir framhaldsskólar sem LEYFA SÉR að taka bara inn nemendur sem eru með 8.5 til 9 í meðaleinkunn eru með góða nemendur, en það segir ekki til um gæði kennarana,ég myndi halda að úrvalskennarar  væru ekki síður í þeim skólum þar sem nemendur eru með aðeins lægri einkunn,það reynir kannski meira á kennarana.Hvar eru nemendur sem t.d. eru fatlaðir eða eiga einhverja erfiðleika í námi,eru þeir í þessum "elítu skólum".

Við skulum ekki koma inn hjá okkar unga fólki að þeir séu annars flokks þegnar vegna þess að þeir eru ekki í skólanum sem vann GETTU BETUR,eða þeim skóla sem vann MORFÍS. Leyfum unga fólkinu okkar að vera ánægð með þá skóla sem þau velja sér, því hver skóli hefur sitt að bjóða.

MR bestur að mati Frjálsrar verslunar

10 þegar látnir á Spáni vegna jarðskjálfta

 Tveir jarðskjálftar urðu með 2 klt millibili í Lorca sem er í Murcia héraði, nú hefur verið staðfest að 10 manns hafa látist. Lorca íbúa eru ekki óvanir smá skjálftum en þessi er sá sterkast sem mælst hefur í lengri tíma.

Jarðskjálfti á Spáni

Nú er ég aldeilis hlessa !!!

Eru  VR menn með á nótunum ?Ég bara spyr..Ég held að þeir sem stjórna launakröfum félagsmann ættu að athuga ýmsar greinar inna VR, t.d. þá sem vinna  með ferðamönnum, ekki erum við hátt skrifuð hjá VR það er eitt sem víst er.

Ánægðir VR-félagar

Óshlíðargöng..

Bolvíkingar og Ísfirðingar til hamingju með Óshlíðargöng!!!

Bolungarvíkurgöng lokuðust í gær

Við erum vinaþjóðir og þetta mál skiptir engu í því sambandi!

Danir né aðrir eiga að gera stórmál úr einhverju sem ekki skiptir neinu máli,þó að til séu einstaklingar í Færeyjum sem ekki vilja snæða kvöldverð með Jóhönnu og hennar kvinnu það er bara þeirra mál,látum hér við standa.

Danir blása Jenis-málið út

Verum viðbúin að taka við fleiri ferðamönnum þegar líður á tímann .

Þeir sem eru forvitnir um land og þjóð munu koma til Íslands. Það er eðlileg fækkun ferðamanna á þessum tíma sem allt er að gerast,en við megum ekki gleyma því að við erum búin að fá mikla umfjöllun um nær allan heim.Sjálfsagt hugsa sumir að öll sú umfjöllun sem við höfum fengið sé á neikvæðu nótunum,ég ég held ekki.

Ég hef fylgst mikið með fréttum um gosið á TVE sem er ríkissjónvarpið á Spáni,þeir hafa rætt um gosið í marga daga og voru með sérstakan fréttamann hér á landi, ég get fullvissað þjóðina um að frá þessari fréttastöð komu ekki neikvæðar fréttir,þar var land og þjóð sýnt í eðlilegum tilgangi bæði var sýnt frá gosinu og frá eðilegu lífi í Reykjavík og viðtal við íslendinga.

Í einni fréttinni var sagt frá því að Íslendingar yrðu að búa sig undi 50% fleiri ferðamenn en áður hefur verið, svo ef þetta er álit helsta ferðamannalands í heimi þá eigum við að vera bjartsýn,því það hefur alltaf sýnt sig að við Íslendingar eflumst við harðindi.

"Svona er lífið vinur"

Móðir mín gaukaði að mér smá vísu sem hún hafið fengið í hendurnar og er eftir konu sem fæddist 1876 og heitir Guðríður Guðlaugsdóttir.Kona þessi var spurð hvernig henni litist á lífið og afkomuna,þetta var í kringum 1970, gamla konan svara á þessa leið :

              Öllu er sóað, ekkert hik

              af ótta þjóðin stynur.

              Allstaðar eru svindl og svik

              Svona er lífið vinur!

Ekki er hægt að segja annað en að þessi vísa eigi við í dag,þar sem þjóðin er á barmi örvæntingar og rammvillt.Í fjölmiðla koma hinir og þessir sérfræðingar að segja okkur hvað við eigum að gera,aðrir skrifa greinar.Eitt er víst að allir hafa skoðanir,og allir halda sig  hafa réttar skoðanir,einn segir þetta og annar segir hitt.Hverju eigum við að trúa og hverjum? ekki veit ég það. Eitt veit ég með vissu,það er að hinn almenni borgari er orðinn þreyttur, ringlaður og vonsvikin.Að þessi hræsni,sviksemi og prettir skuli viðgangast hér á þessu litla landi,Íslandi.

 

             

 

 

             

Fjölga þarf strætisvagnaferðum.

Ég er í raun dálítið hissa á þessu umstangi hvað varðar Hlíðarfót.Það ætlar allt vitlaust að verða vegna þess að Háskólinn í Reykjavík er að opna eftir áramót,allt var sett á stað til að laga Hlíðarfótaveginn.Ég vil ekki setja út á lagfæringar betra seint en aldrei. Það vill gleymast að á hverjum degi í 30-40 ár hefur fjöldi bifreiða farið um þennan veg.Á góðum degi og um góða helgi getur verið á Hótel Loftleiðum bæði gestir og vinnandi fólk um 1000-1200 manns,og allt þessa fólk þarf að fara um Hlíðarfót í strætó,einkabílum og langferðabílum.Icelandair er einnig með mikinn fjölda starfsfólks og önnur fyrirtæki sem eru allt í kring.Það hefði mátt gera eitthvað í þessu miklu fyrr,ekki hlaupa upp vegna þess að Háskóli er að byrja starfsemi sína og gleyma okkur hinum sem fara um þetta svæði,en eins og ég segi betra seint en aldrei.Síðan vil ég benda á að það eru aðeins tvær ferðir strætisvagna á klukkutíma og eftir kl:19.00 er aðeins ein ferð á klukkutíma hvernig væri að fjölga ferðum vagnana.Ég sé mig ekki keyra bæinn á enda til að sækja einhvern af mínum vinnufélögum,hver ætlar að borga bensínið.

Samnýttir bílar njóti forgangs