Ég fermdist 1.apríl fyrir !!! mörgum árum.

Ég mundi það allt í einu í morgun að ég fermdist 1.apríl fyrir ???? mörgum árum,vonandi var það ekki allt í plati,ég er vonandi fermd,ég held það hljóti að vera,kannski ekki.Ef það var allt í plati hvað á ég að gera í dag,láta ferma  mig aftur, gömlu konuna.

Ég man að ég var voða fín í ljósbláum kjól sérsaumuðum,og ég vildi greiða mér sjálf með spöng í hári, ekki blóm eins og tíðkaðist þá,og ég fermdist í Hallgrímskirkju eins og hún var pínulítil.Dagurinn var fínn og ég held að ég láti allar vangaveltur um fermingu eða ekki fermingu 1.apríl lönd og leið.

Þetta er svo hlægilegt,getur ekki verið annað en 1.apríl gabb !

Hvernig á einhver lítill karl í fjármálageiranum að ákveða að gera Ísland gjaldþrota,mikill er máttur hans.Gaman þætti mér að vera lítil fluga á vegg þegar hans háleitnu hugsanir fara af stað,það hljóta að vera mikil átök.

En án alls gamans ef þetta er ekki 1.apríl gabb þá er þetta háalvarlegt mál,að vita til þess að einhver maður  úti í heimi beri svona kala til okkar landsmanna,því þetta mundi bitna fyrst og fremst á landsmönnum og sérstaklega þeim sem minnst hafa á milli handanna.

Ættum við ekki að bjóða honum til landsins og láta ÍE rannsaka kollinn á honum,sjá hvort þar sé að finna hafragraut eða kál.

Vildi gera Ís-land gjaldþrota