Breska stúlkan sem hvarf.

Hræðilegur atburður hafur gerst í Algarve á suður Portúgal, 3 ára gömul stúlka Madeleine McCann hvarf úr íbúð sinni þar sem hún svaf ásamt 2 ára tvíburabræðrum sínum. Sem betur fer er þetta atburður sem gerist mjög sjaldan,en gerist samt sem sýnir sig. Það sem gerir mig alveg orðlausa er hverning vel menntaðir foreldrar læknar bæði tvö, geta gert svona mistök að skilja börnin þrjú eftir alein i íbúðinni,það er yfirleitt hægt að fá barnapössun í gegnum ferðaskrifstofurnar.Á svona sólarlandastaði safnast saman allkonar fólk frá öllum löndum portúgalir,spánverjar englendingar o.fl. og þá er ég ekki að tala um ferðamenn,  heldur hina sem sjá lífið svo auðvelt,  ,þeir sem ekki vilja vinna hina hefðbundnu vinnu frá 09.00-17.00, þeir sjá sól alla daga, matur ódýr,bjór og vín í hverju horni og hvað fatnað varðar þá þarf ekki mikið af dýrum fatnaði,þeir vinna einn og einn dag til að fá smá pening og þess á milli betla þeir, þetta fóllk er stundum til í að gera hvað sem er,og hvað það er það vitum við ekki. Svo eru það hinir sem lifa í lúxús, flottar villur flottir bílar og spara ekkert við sig í mat, þeir safna að sér vesalingum sem vilja lifa auðveldu lífi,láta þá stela fyrir sig t.d. flottum bílum og keyra þá til Evrópu og selja dýrum dómi,og hvað vitum við hvað annað þeir láta stela fyrir sig. Þetta er einhverskonar skipulögð rússnesk mafía, og þeir eru búnir að koma sér fyrir á mjög mörgum vinsælum ferðamannastöðum bæði á Spáni og í Portúgal,ég bara vona að Madeleine litla hafi ekki lent í höndunum á svona mönnum og finnist fljótt, því engir foreldrar né barnið eiga  skilið að þurfa að ganga í gegnur svona sálarangist.Ég hef tengst Portúgal og Spán síðastliðin 30 ár og þekki vel til þessa landa,ég ferðast mikið um á bíl og þarf vissulega mikið að stoppa hvort sem er á bensínstöðum eða matsölustöðum,ég hef alla tíð verið mjög vör um mig og mína fjölskyldu þegar ég sé til stórra vöruflutningabíla, ég hef smá ráð fyrir þá sem ferðast um á bílum. LÍTIÐ EKKI AF BÖRNUM YKKAR ÞEGAR VÖRUFLUTNINGABÍLAR ERU NÁLÆGT, ÞVÍ ÞAÐ ER MJÖG AUÐVELT AÐ KIPPA BARNI UPP Í SVONA BÍLA OG AKA Í BURT,þeir fara um alla Evrópu. Í flestum tilfellum eru þetta bara venjulegt fólk að gera vinnu sína en maður veit aldrei hvað leynist í þessum stóru trukkum. Einhvern veginn slunginn sleppur.

 

Bloggarar.

Ég las blogg hjá manni í dag, þar sem hann var að fárast yfir því hve vinsæll einn bloggari væri,þessi tiltekni bloggari var orðinn einn vinsælasti bloggari landsins.Þegar ég byrjaði að blogga þá vissi ég lítið um blogg,vissi bara að ég hef gaman af að rausa smávegis út í loftið um hitt og þetta, og þurfti að koma því frá mér.Ég vissi ekki þá að það virðist vera samkeppni á milli bloggara,hver fær mestu lesningu. Það er eflaust í lagi að hafa smá samkeppni,það þarf víst að vera samkeppni í öllu. Síðan las ég annað blogg, þar sem viðkomandi bloggari var að henda út bloggvinum vegna þess að þeir komu ekki nógu oft inn á síðuna,vissulega þýðir bloggvinur það að fara reglulega inn á síður bloggvina sinna en það þýðir kanski ekki það að bloggvinir eigi alltaf að skilja eftir athugasemd.Ég renni stundum yfir bloggvini í því bloggi sem ég er að lesa, og VÁ, það eru stundum 100-200bloggvinir maður gerði ekkert annað allann daginn en að lesa blogg hjá bloggvinum.Skammt er öfganna milli.

Bílum lagt.

Hjólað í vinnuna,þetta átak er af hinu góða til að fá fólk til að nota bílinn minna, en ég verð reyndar að segja eins og er ,  ég get ekki séð ráðherra eða þá sem eru að vinna t.d. í bönkum eða öðrum skrifstofum koma hjólandi í vinnuna.Sjáið þið fyrir ykkur  konur sem vinna í drögtum og á háum hælum og full málaðar í framan hjólandi,ég geri ráð fyrir að þær muni koma sveittar og illa til hafðar eftir hjólreiðtúrin og það sama á við karlmennina,því það er ekki á öllum vinnustöðum aðstaða til að skipta um fatnað. Átakið ætti kanski frekar að fara fram um helgi þegar fjölskyldan getur farið saman að hjóla

Ráðherrar á reiðhjólum

Soffía prinsessa af Spáni.

Soffía prinsessa fæddist fyrir nokkrum dögum á Spáni, þetta er annað barn Felipe og Leticia ,fyrir eiga þau eina dóttir, hann sjálfur er yngsta barn konungshjónana hann á tvær systur, og er hann ríkiserfinginn,embættið gengur í karllegg, nú er spurning, hvað verður gert á Spáni, verða lögunum breytt, ég reyndar held að það verði gert en ekki fyrr en Felipe verður orðinn konunugur eftir nokkur ár. Ástæðan er sú að heyrst hefur að elsta systir Felipe  Elena hefur gert tilkall til krúnunnar, og verður því mjög erfitt að breyta lögunum áður en hann tekur við konungstitlinum af föður sínum.

Eirikur rauði.

Ég held að það skipti ekki miklu máli hvað þessir netsíðu spekúlantar segja, ef þeir kunna ekki að meta okkar framlag þá er það þeirra mál, en ég er viss um að Eiríkur á eftir að gera sitt besta,hann er kröftugur söngvari og hefur góða framkomu,og lagið er flott, flottara reyndar á íslensku. Gangi þér vel  Eiríkur í Helsingi

Ekki hrifnir af Eiríki og Valentine Lost

Guernica

Þessa dag er minnst á Spáni og víða sem sorgardagur,þegar Ítalskar hersveitir og þýskar jöfnuðu Guernica bæinn nær við jörðu. í dag er sagt að enn heyrist í hríðskotabyssunum sem dundu á bænum,og þeir sem hafa áhuga á dulrænum málum hafa rannsakað þessi hljóð sem þar heyrast. En hvað varðar borgarastyrjöldina sem Spánn þurfti að ganga í gegnum,þá var hún hræðileg upplifun fyrir Spönsku þjóðina.Fjölskyldum var tvístrað,bræður börðust þeir voru ekki spurðir með hverjum þeir vildu berjast, nei þeim var skipt upp í lið.Listar gengu um í þorpum með nöfnum þeirra sem átti að taka af lífi,krikjgarðar bera þess enn merki þar sem aftökurnar fór þar fram, veggirnir eru hlaðnir byssuskotum. Fjölskyldur höfðu ekki mat fyrir sig og sína,mæður gengu stundum 90-100 km með yngst barnið til að faðirinn fengið að líta það augum,þetta gerðist fyrir 70 árum. Í dag eru  lönd sem enn eru að ganga í gegnum þessar hörmungar,að það skuli ekki vera hægt að koma í veg fyrir þetta árið 2007,það er líka sorglegt.

Sjötíu ár liðin frá árásinni á Guernica

Umferðisöryggisvika.

Ég legg til að skylda alla þá sem eru að læra að aka í dag að prufa þessi tæki sem eru til sýnis í Forvarnarhúsi Sjóvá,þar sem hægt er að kynnast þeirri hættu þegar ekið er undir áhrifum áfengis og hraðakstri, ég held að það yrði ansi lærdómsríkt.

Umferðaröryggi á heimsvísu

Hert viðurlög.

Ég fagna þessum nýju hertu viðurlögum í umferðinni,það kom loksins að því að eitthvað róttækt yrði gert, ekki veitir af.Umferðamenning okkar hér á klakanum gæti verið betri,og ekki síst í ljósi þess að vegir víðast hvar um landið eru ekki bílum bjóðandi og ennfremur vegna velmegunar þjóðarinnar þá eru 2-3 bílar á hvert heimili, og ekki neinir skrjóðar heldur yfirleitt nýjust gerðir af bílum , hraðskeyttir bílar, enda sjáum við það hve margir eru tekninr fyrir ofsaakstur.Ég vona að þessi lög verði virt af öllum ökumönnum og ekki síst þeim sem eru að aka fyrstu kílómetrana.það er annað sem ég vildi nefna fyrst ég er að blogga um umferð, það er í sambandi við lagningu bíla í bílastæði,það eru sumir sem leggja svo illa að þeir taka tvö stæði, þá leggja þeir,þau,á ská inn í stæðið, þetta finnst mér vera virðingleysi fyrir náunganum.

Viðurlög við umferðarlagabrotum hert

Kosið erlendis.

Ég las grein í einu dagblaði að hægt væri að kjósa til alþingiskosninga á KLÖRU BAR sem allir eiga að þekkja á Kanaríeyjum. Að mörgu leyti finnst mér þetta gott mál en ekki að öllu leyti,hugmyndin á bak við þetta er góð .Þetta hjálpar þeim sem vilja kjósa og eru staddir erlendis,þ.e.a.s. þeir sem eru  í hópferðum og eru kanski 300-400 manns á staðnum,ef ekki væri hægt að kjósa hjá Klöru þá þyrftu þeir eftilvill að leita uppi konsúl sem er oft í öðrum bæjarhluta eða í annarri borg, svo þurfa þeir sem hafa kosið að senda sín atkvæði sjálfir með pósti. Ég þekki þetta sjálf að eigin raun, ég bjó í Montpellier í Frakklandi í 2 ár,seinna árið voru alþingiskosningar og þurfti ég að fara um 200 km til að geta kosið, sem ég gerði að sjálfsögðu ekki,þar töpuðust 2 atkvæði míns og mannsins míns.Ég er ekki beint hrifin af því að þeir sem vilja kjósa á Kanarí þurfi að kjósa á bar,aðrir möguleikar ættu að vera til staðar,í  raun er ég alveg hissa á utanríkisráðuneytinu að sjá ekki um að koma fyrir kosningaskrifstofum á þessum stöðum þar sem flestir íslendingar eru á sólarlandaströnd, það er ekki víst að Valgerður utanríkisráðherra geri sér grein fyrir því að á þessum tíma árs eru um 1200-1500 manns jafnvel meira, að spóka sig í sólinni. Ég er alveg viss um að það er hægt að koma þessu í framkvæmd með hjálp ferðaskrifstofana,og þá einum starfsmanni til að sjá um að kosningin fari löglega fram, og þetta ætti ekki að kosta mjög mikið því skrifstofan þarf aðeins að vera opin í 2-3 vikur. Ég legg til að þeir sem eiga að sjá um þessi mál taki þetta til athugunar, og þá núna strax fyrir þessar kosningar það er enn tími.

 

Sorgaratburður

Það er ekki hægt að lýsa þeirri sorg, að horf á hús frá 19 öld í Austurstæti og Lækjargötu brenna til kaldra kola,í Austurstræti 20 var verslun til húsa þegar ég var stelpa og man ég eftir því að þegar viðskiptavinur borgaði þá voru peningarnir settir í hólk og sendir í röri upp á næstu hæð, síða kom afgangurinn til baka sömu leið. Ósjálfrátt fer maður að rifja upp svona gamlar minningar þegar maður horfir upp á þessi gömlu hús brenna,einnig fer maður að  hugsa, hvað verður nú, eiga eftir að rísa glerhús á þessum stað eins og eru að rísa um alla borg. Slökkvuliðið er búið að standa sig eins og hetjur og eiga þeir þökk fyrir það,við þessar erfiðu aðstæður.

Slökkviliðsstjóri boðar til fréttamannafundar; byrjað að rífa Austurstræti 22