Himininn grætur stórum tárum í dag !!!

Eftir langa dvöl erlendis í sumar, með sól og hita á hverjum degi er ég komin heim í blessaða rigninguna.Ég verð að segja að hún er góð tilbreyting frá 35° hita,en ekki er hún upplífgandi,ekki aldeilis,hún er, ef segja á satt niðurdrepandi, en hreinsar loftið og góð fyrir jarðveginn, til að finna eitthvað jákvætt.Ég reyndi að blogga smávegis í sumar en átti frekar erfitt með það þar sem ég var ekki með mína eigin tölvu,þar af leiðandi gat ég ekki skrifað íslenskt letur sem ég var ekki ánægð með.Ég reyndar notaði púkann til að leiðrétta en hann leiðréttir ekki alltaf,þar fer eftir því hvaða stafir standa saman,t,d, ae getur ekki leiðrést í Æ, og th leiðréttist ekki í Þ, þetta er dálítið hvimleitt og gott væri vinna aðeins meira í púkanum til að fullkomna hann, annars er hann mjög góður hér heima en ekki að sama skapi með erlent letur.