Bræður í raun,og ekki í fyrsta sinn.

Þetta er ekki í fyrsta sinn sem hjálp berst frá Færeyjum,þegar eitthvað hefur bjátað á hjá okkur þá hafa þeir nær alltaf verið fyrstir til að rétta fram hjálparhönd,og eiga þeir svo sannarlega þakkir skilið. Ég vona að við getum endurgoldið greiðann,t.d. gætum við heimsótt Færeyjar meira,hjálpað þeim að byggja upp sinn ferðamannaiðnað,enda ekkert slor að heimsækja Færeyjar það er yndislegt land.

Eitt hef ég verið að velta fyrir mér,af hverju er ekki sama krónan á öllum Norðurlöndunum eitthvað sem gæti heitið Norræn króna ?  Væri það nokkuð vitlaus hugmynd ? alveg eins og evran er notuð víðast hvar í Evrópu,og mynda sterka heild.

Mikill drengskapur Færeyinga

Föstudags-hugleiðing.

Þegar ég hugsa nokkra mánuði aftur í tímann,þá man ég ekki betur en að stór hópur stjórnmála manna hefðu sagt þegar REY málið stóð sem hæst,að áhættufjárfesting ætti  ekki heima hjá RÍKINU,en hvernig er komið fyrir okkur núna.Bankarnir okkar voru seldir á útsölu til einkaaðila,sem stundað hafa áhættufjárfestingar síðastliðin 6 ár,hver þarf að greiða fyrir sullið, jú ríkið ,við fólkið í landinu.

Ofurlaun eru ekki við hæfi á þessum tímum.

Það sem heyrst hefur í gegnum árin hjá stjórnendum almennra  fyrirtækja er, að launakostnaðurinn sé að svo hár að fyrirtækið geti ekki borgað hærri laun,þá er verið að vitna í almennan launamann sem er e.t.v. með 250-300 þúsund á mánuði.Þegar hugsað er til þess að Ísland er á barmi gjaldþrots vegna bleyjudrengja sem ganga um með snuð og óvitaskapinn uppmálaðan,þá er enn verið að greiða ofurlaun 1.9 m. Þið sem eigið að borga þessi laun finnst ykkur þetta vera boðlegt fyrir hinn almenna borgara að horfa uppá,ég bara spyr?

Bankastjórarnir með of há laun

Nú ætla ég að fara að græða,ég ætla að búa til hauspoka fyrir Íslendinga.

Svo er nú komið fyrir Íslensku þjóðinni, að margur hver vill ganga meðfram veggjum og vera ósýnilegur ,og ekki síst erlendis.Það sem ég er að hugsa að gera er að setjast niður og búa til hauspoka fyrir Íslendinga.Þá getum við gengið um óáreytt með hauspokana góðu á höfðinu, hvort sem er hér á landi eða erlendis,þá sést ekki eins vel hvað maður skammast sín fyrir hvernig komið er fyrir landinu okkar góða.

Forsætisráðherra: Breska fjármálaeftirlitið felldi Kaupþing

12 stig til Rússa í næstu Eurovision...

Nú verðum við að standa okkur með bræðrum okkar Rússum,12 stig til þeirra.Ég veit ekki með bræður og systur á Norðurlöndunum, hvar eru þau núna.

Seðlabankinn fær lán frá Rússlandi

Af hverju á hinn almenni skattborgari að greiða fyrir þetta ?

Ég spyr,af hverju á ég að greiða fyrir fangavist erlendra fanga hér á landi? Ég borga mína skatta og skuldir og mér finnst allt í lagi að greiða fyrir fangavist íslenskra ríkisborgara og til að hjálpa þeim að bæta ráð sitt, en þegar mínir skattpeningar fara í að halda uppi fangelsum fyrir glæpagengi sem kemur hingað til lands í þeim tilgangi að ræna rupla og selja eiturlyf,þá segi ég hingað og ekki lengra. Það á að senda þetta lið heim til sín og láta þá afplána  sína dóma  í sínu heimalandi.

Gæslufangar flestir erlendir

Alveg öruggt mál..

Ég mundi segja að ungdómurinn og þeir sem ánetjast tölvum verða ekki bara tölvufíklar heldur koma þeir til með að einangrast algjörlega.Framtíðin verður meðferðaheimili fyrir tölvufíkla og kennsla í almennum samskiptum.Þetta er grafalvarlegt mál.Þegar börnin okkar fara ekki lengur út til að hitta vinina,heldur tala við sína kunningja í gegnum tölvur.

Tölvufíkn veldur brottfalli

Ég var klukkuð.

Ég veit varla hvað er að vera klukkaður,en hún Ragnhildur Jónsdóttir vinkona mín klukkaði mig um helgina og ég skal standa mína plikt.

Er venjuleg Reykjavíkurmær,ættuð frá Ísafjarðardjúpi og Eyrarbakka.

STÖRF:Hef ekki unnið mörg störf um ævina,aðeins þrjú.Ég var innanbúða í verslun foreldra minna frá því að ég man eftir mér öllum stundum.

Ég starfaði sem fararstjóri um 18-20 ára skeið erlendis  á Spáni og Portúgal,þ.e. Costa Del Sol,Benidorm,Mallorca og Algarve í Portúgal,þá var ég í eina 4-5 mánuði í einu , ég hef kynnst þessum löndum mjög vel og sögu þeirra og stórborgum,því að vera farastjóri er ekki bara að taka á móti Íslendingunum,það þarf að fara með þá í skoðunarferðir,eins og t.d. tveggja daga ferð til Lissabon,Sevilla og Cordoba og líka styttri ferðir,en þetta var mjög skemmtilegt starf ég gæti skrifað heila bók um ýmislegt sem kom fyrir.

Nú starfa ég fyrir Flugleiðahótel,er vaktstjóri í gestamóttöku Hótels Loftleiða og hef starfað þar í nær 20 ár,mjög skemmtilegt starf og fjölbreytilegt.Þar nýtist mín tungumálakunnátta ég tala fyrir utan íslensku,spænsku, ensku, frönsku  og skandinavísku.

HJÚSKAPASTAÐA: Er gift og á einn son,sem æfir sund hjá Sundfélaginu Ægir,og er á síðasta ári í grunnskóla.

BÚSETA: Fyrir utan Íslands.þ.e. Reykjavík þá hef ég búið 2 ár í Torremolinos Costa Del Sol,2 vetur við nám í Granada á Spáni og 2 vetur við nám í Montpellier í Frakklandi og 1 ár í Albufeira Portugal.

LESTUR: Hef rosalega gaman af því að lesa,er að þræla mér í gegnum Blóð Krists og Gralið Helga það er búið að taka heilan vetur og heilt sumar.Ég haf mjög gaman af spennusögum eins og t.d. eftir Arnald Indriðason ég hef lesið allar hans bækur,einnig Menkell,og nú er ég nýbúin að uppgötva James Patterson ég er að klára bók númer tvö eftir hann.

SJÓNVARP: Bara allt sem er gott,t.d. Silfur Egils,fréttir,spennuþættir,spurningaþættir.

ÚTIVERA:Ég skal nú viðurkenna það að ég er nú enginn sérstakur íþróttafíkill,ég fer í göngutúra og nýfarin að æfa sundleikfimi sem ég er mjög ánægð með.

MATUR:Ég hef mjög einfaldan smekk í mat,ítölsk kjúklingasúpa sem ég bý til,spænsk tortilla og paella,lambalæri þetta er allt matur sem ég er hrifin af.Og lakkrís ég er veik fyrir honum.

Ég er mjög róleg og ég tel yfirveguð manneskja,kann ekki að segja brandara og er svo jarðbundin að það þyrfti að lyfta mér upp með lyftara frá jörðu til að fara t.d. í fallhlíf eða í fjallaklifur svo eitthvað sé nefnt.Ég hef gaman af pólitík,enda hef ég starfað með einum flokknum í mörg ár.

Ég held ég láti þetta nægja,ég ætla að klukka einhverja,ég klukkaði Toshiki Toma,Önnu Kristjásdóttir og Þrym Sveinsson

Kær kveðja til ykkar sem lesið þetta

María Anna

 

 

 

Ekki bara unga fólkið,hinir eldri líka !

Það er örugglega ekki nein ein skýringa á drykkju hegðum Breta á sólarströndum,og ekki hef ég neina skýringu á henni.En eitt get ég þó sagt að það eru ekki bara ungdómur Breta sem drekkur,það eru líka þeir eldri.Ég hef tekið eftir því þegar ég hef farið í stórmarkað á Spáni að Bretar versla nær eingöngu vín,allar tegundir, kerran þeirra er yfirfull af áfengum  drykkjarföngum,það  sést varla matarbiti.

Það virðist vera einhver óeirð og óánægja hjá vissum þjófélagshópum í Bretlandi,því stór hluti þeirra sem kaupa sér húsnæði á sólarströndum og eyða ellidögum þar eru Bretar,einnig er drjúgur hópur Breta sem setjast að á sólarströnd og opna bar til að hafa lifibrauð,þar flykkjast aðrir Bretar og skapa einskonar Litla Bretland,þeir borða breskan mat,tala ensku og læra lítið sem ekkert í tungumálið viðkomandi lands,né þekkja menningu og siði landsins,það sem ég hef heyrst þegar ég hef spurst fyrir um þetta "fyrirbæri" þá eru þeir svo leiðið á veðrinu heimafyrir,alltaf rigning,en er það nóg ástæða?

Bresk ungmenni sukka á sólarströndum

Ekki er mér skemmt yfir þessari frétt..

Þetta er eitt af snilldar fjárfestingum íslendinga,sem kemur til með að fara á hausinn, með ýmsa aðila hér á landi.Ekki vildi ég vera í sporum farþegana,ég heyrði í enskum fréttum í morgun að um 220 þúsund mann væru vegum XL erlendis,og það verður höfuðverkur að koma þeim heim.

Forstjóri XL tárvotur í viðtali