Er þetta sæmandi fyrir forsetaframbjóðenda ?

Nei það finnst mér ekki,og langt frá því að vera málefnalegt.Ef þetta er það sem Bandaríkjamenn eru að kjósa yfir sig þá vorkenni ég þeim.Að nota svín og úldinn mat sem myndlíkingu er fyrir neðan allar hellur,og ég skil ekki hvernig hámenntuðum manni dettur í hug að láta svona út úr sér.Hann er kannski að sýna best með þessum orðum,vanhæfni sína sem ræðumann.Það er ekki nóg að koma með allskonar frasa (setningar) sem Kaninn klappar, æpir og gólar af ánægju yfir,þ.e.a.s. hópsefjun.Það verður held ég að vera einhver hugsun á bakvið,yfirvegun og traust framkoma,það finnst mér Barack Obama vanta,en nóg af slagyrðum slengt fram.

Sakaður um kvenfyrirlitningu

Fagna endurkomu Silfur Egils.

Í Silfri Egils sat fróður maður,Jónas Haralz fyrrverandi seðlabankastóri. Þar talaði maður með vit og mikla reynslu,og vert er að taka mið af því sem hann segir.Hann talaði af mikilli yfirvegun um inngöngu okkar í Evrópusambandið,og sagði að allt of mikið væri pexað um málið, engar niðurstöður fengjust nema með viðræðum.

Ég fór  að velta því fyrir mér eftir þáttinn,hvar væru svona hugsuðir í þjóðfélaginu núna í dag,sem tala máli sem ég og þú getum skilið.Ég held að nútíma þjóðfélagið í dag eigi ekki svona menn, nema þá sem eru sestir í helgan steinn.

Annað sem ég var að velta fyrir mér, það er engin furða þó eitthvað fari úrskeiðis,á meðan stofnanir , sem sjá um peningamál þjóðarinnar er einhverskonar endastöð fyrir fyrrverandi stjórnmálamenn þá er ekki von á góðu.Í staðin fyrir að ráða fólk með menntun samkvæmt stöðu þeirra .

Léttur á fæti,næst verður það fótbolti.

Nú er hann orðinn grannur,léttur og stæltur og getur byrjað aftur á sínu hobby.þ.e. að láta golfkúlur hverfa eina af annarri,eða hvað kannski ætti hann bara að athuga með fótboltavellina í kringum heimilið sitt,það er örugglega nóg af að taka,gaman gaman...

 

Með 13 golfkúlur í maganum

Flugdólgar... ég er ekki sátt við að skilja þá eftir í Malaga !!!

Ég get ekki skilið hvers vegna er verið að koma ábyrgðinni á Spánverja og flugdólgarnir skildir eftir á Costa Del Sol, í Malaga,það átti einfaldlega að fljúga með þá til Faro því það er um klukkustunda flug frá Malaga til Faro.

Ég get vel skilið að þeir trufluðu flugfreyjur flugmenn og aðra farþega, og svona dólgsháttur á ekki að eiga sér stað um borð í vélum né annar staðar.En þar sem stutt flug er á milli þessara tveggja borga þá finnst mér að þeir hefðu átt að fara á loka áfangastað og fara í fangelsi í Portúgal.

Ég veit vel að ekki var lent í Malaga vegna flugdólganna,ferðaskrifstofur millilenda þar oft á tíðum,og hleypa farþegum út sem ætla sér að vera þar,þ.e.a.s. þegar ekki tekst að selja í fulla vél á hvorn stað fyrir sig,þess vegna var tækifærið nýtt og flugdólgunum kastað út og ábyrgðinni komið á fangelsis yfirvöld í Malaga.

Þetta minnir mig dálítið á þegar ég var að byrja að vinna sem fararstjóri,þá komu sumir farþegar svo að segja veltandi út úr vélunum,ofsa kátir eins og þegar nýbúið er að sleppa beljum út á tún á sumrin,en svo þegar líða tók á tímann róuðust þessir sömu aðilar og voru glaðir ánægðir og gaman að umgangast þá.

 

Skildir eftir í Málaga vegna dólgsláta

Gerum Naustið að safni,t.d. víkingasafni !

Ég þá góðu og gömlu daga þegar vinsælt var að fara í Naustið,g góður matur og þægileg stemning,en draumurinn er búinn.Ekki hefur mér fundist vera við hæfi að vera með kínverskan veitingarstað  þar,húsið geymir miklar minningar og mikil menningar verðmæti.

Ég vona að þessir veitingamenn sleppi ekki svona auðveldlega,bara farnir úr landi,hver á að borga brúsann ?

Hvernig væri að snúa blaðinu við og búa til fallegt safn,minjasafn,víkingasafn,sjónminjasafn bara einhverja tegund af safni sem hæfir húsinu,ég er alveg viss um að það yrði vinsælt bæði hjá Íslendingum sem og ferðamönnum.

Kínverjarnir farnir úr landi

Laun hins almenna borgara og hinna.

Mér datt í hug þegar bolur Ólafs Stefánssonar var sleginn á rúma milljón á uppboði í Perlunni um helgina,og ljósakróna fór á rúmar tvær milljónir,hvernig þetta væri hægt,ég allavega vona að þetta séu hópar fólks sem hafa átt þessi tilboð í sameiningu.Þegar ég hugsa um hinn almenna borgara þá þurfa margir ef ekki um75% þjóðarinnar að vinna hátt upp í tvö ári til að geta slengt þessum peningum á borðið.Það virðist ekki vera sama hvort það sé séra Jón eða hinn álmenni Jón.En ég veit að peningarnir eiga eftir að fara til góðs málefnis.

Er ekki í lagi með föðurinn ?

Hverslags foreldrar geta gefið kornunga dóttir sína til manns á sextugsaldri.Margir segja jú þetta er leyft í múhameðstrú,og ef svo er þá þurfa múhameðstrúarmenn að athuga trúa sína,eða var faðirinn svo örvæntingafullur að hann einfaldlega seldi dóttir sína fyrir nokkra riyal,ef svo er þá er það sorglegt,svo ekki sé annað sagt.

Beiðni um að átta ára stúlka fái skilnað

Við látum ekki ETA hræða okkur frá Costa Del Sol

Þetta er ekki eina sprengja sem sprungið hefur í sumar þær hafa verið þrjár,sú fyrsta  var sprengd fyrir einum mánuði síðan og er alveg við hliðina á Timon Sol sem margir Íslendingar þekkja og hafa gista þar  í gegnum árin.En óneitanlega er skrítið að vita til þess að ETA er að sprengja á því svæði sem ég eyði mínu sumarfríi og þekki út og inn.Nú var sprengt á bílastæði við smábátahöfnina við Benalmadena sem er ekki mjög langt frá þar sem íslendingarnir dvelja,en ganga þar um sér til skemmtunar að degi til jafnt sem að kvöldi til,en sem betur fer var þetta bara smá sprengja sem gerði ekki mikinn usla.

Aðskilnaðarsinnar ETA eru glæpamenn,og mjög lítill hluti af íbúum Baskahéraðs, stór hluti íbúa Baskahéraðs eru langþreyttir á glæpum ETA samtakana,og vilja frið sem fyrst.

Costa Del Sol er vinsælasti ferðamanna staður Spánar,og hingað til hefur þessi staður fengið frið fyrir ETA,en samt hefur heyrst í sjónvarpi um sprengju hér og þar t.d. í Malaga höfuðborg héraðsins.En það sem ETA vill er að eyðileggja sem mest og ef þeir geta eyðilagt ferðamanna strauminn á þetta svæði þá dansa þeir stríðsdans,en vonandi þurfa þeir að bíða lengi.

 

Íslendingar óhræddir við ETA

Ekkert viðmið,ekkert að marka...

Er ekki of snemmt að koma með marktæka skoðanakönnun,eigum við ekki að leyfa Hönnu Birnu að verða borgarstjóri fyrst og dæma svo.Þessi meirihluti verður hvort sem er aldrei vinsæll hjá andstæðingunum,það segir sig sjálft.

Þriðjungur styður Hönnu Birnu

Hér hafið þið möguleika að kjósa ykkar flokk !!!

Hvernig er fylgi flokkana,kjósið í nýrri skoðunarkönnun sem er á síðunni hjá mér...