Ég fermdist 1.apríl fyrir !!! mörgum árum.

Ég mundi það allt í einu í morgun að ég fermdist 1.apríl fyrir ???? mörgum árum,vonandi var það ekki allt í plati,ég er vonandi fermd,ég held það hljóti að vera,kannski ekki.Ef það var allt í plati hvað á ég að gera í dag,láta ferma  mig aftur, gömlu konuna.

Ég man að ég var voða fín í ljósbláum kjól sérsaumuðum,og ég vildi greiða mér sjálf með spöng í hári, ekki blóm eins og tíðkaðist þá,og ég fermdist í Hallgrímskirkju eins og hún var pínulítil.Dagurinn var fínn og ég held að ég láti allar vangaveltur um fermingu eða ekki fermingu 1.apríl lönd og leið.

Er búið að bjóða sambýliskonunni ?

Ég vona að við Íslendingar gleymum ekki að Bobby Fischer átti vinkonu og sambýliskonu til margra ára,hvort sem þau hafa verið gift eða ekki þá vona ég að henni sé sýnd sú virðing að bjóða henni þegar Bobby Fischer er minnst,hvort sem það er minningar skákmót eða minningarathöfn,það er að minnsta sem við getum gert fyrir Bobby Fischer.

Spasskí kominn til landsins

Er einhver einhliða ástæða fyrir þessu ?

Þar sem ég vinn með ferðamönnum,þá gefur það auga leið að ég tala mikið við þá um daginn og veginn og álit þeirra á Íslandi.Lítið nefna þeir stóriðjur og eyðileggingu á landslagi,en það sem virkilega liggur þeim á hjarta er dýrtíðin hér,og þá sérstaklega hvað varðar mat.

Þeir koma móðir,másandi og æstir eftir eina kvöldmáltíð sennilega síðustu kvöldmátíðina á Íslandi því eftir þetta taka samlokur við.

Ferðamennirnir eiga bara ekki orð,þeir segja við mig að þeir hafi borgað nær 8000.- kr fyrir einn rétt og eitt glas af víni stundum er þetta dýrara.Þetta held ég að fari mjög svo fyrir brjóstið á ferðamönnunum okkar,það vantar ekki að þeir eru hrifnir af landinu segja það stórbrotið.Þjónustan mjög góð og gisting líka en dýrtíðin gerir það að verkum að þeir hugsa sig tvisvar um,þegar þeir eru spurðir hvort þeir muni koma aftur.

Þetta er nokkuð sem við verðum að taka til athugunar ef við viljum vera samkeppnishæf á alþjóða markið hvað verðar ferðamenn.

Ísland fellur um sjö sæti

Flott framlag Íra, og mjög gott framlag Íslendinga.

Þeir gera stór grín að keppninni en með þræl gott  popp lagi,minnir á gamla disco tímann.Írum hefur ekki gengið vel undanfarin ár,enda ekki furða því lögin hafa ekki verið góð,sem er sorglegt því Írar er þeir sem oftast hafa unnið keppnina.

Hvað varðar okkur Íslendinga, þá er ég kampa kát,því besta lagið vann,flottur flutningur,og flott lag.Mér fannst hó hó alltaf verða verra og verra eftir því sem ég heyrði það oftar,hvað varðar gúmhanskana þá hefði það verið í lagi ef lagið hefði verið með meiri melódíu.Ég skil ekki af hverju Davíð Þorsteinn sem söng og lék á píanó gleymist í umræðunni,hann var með mjög gott lag.

Ég vona að Íslendingar eyðileggi ekki framlag okkar með lélegu myndbandi eins og gert var í fyrra.Til hamingju Íslendingar með val okkar.This is my life !!!

 

Kalkúnn fulltrúi Íra á Eurovision

Hverslags þversögn er þetta,???

Ég skil fyrirsögnina,en hún er ekki í samræmi við textann.hvað eigum við að lesa úr þessu,vill hverfafélagið að Vilhjálmur víki eða vilja þau hann sem borgarstjóra?

Við í hverfafélögunum eigum ekki  að gefa út einhverjar yfirlýsingar  í fjölmiðlum þess efnis hvort Villi eigi að vera áfram eða ekki,og í raun finnst mér það vanhugsað af þessu hverfafélagi að gefa slíka yfirlýsingu.Oftar en einu sinni hefur verið áliktað   í mínu hverfafélagi um eitthvað mál sem við vildum láta ræða um og síðan höfum við komið ályktuninni áleiðis á réttan stað,án yfirlýsinga í fjölmiðlum.

Hverfafélag vill ekki Vilhjálm sem borgarstjóra

Vilhjálmur áfram !

Ekki vil ég dæma ákvörðun hans,en skrítið finnst mér að enginn  virðist vita um ákvörðun hans,hvorki borgarfulltrúar né borgarstjóri.Hvort þessi ákvörðun sé rétt eða ekki verður að koma í ljós, og Vilhjálmur mun standa eða falla með henni.Hvort þessi ákvörðun sé góð fyrir flokkinn er álitamál,vegna þess að það er stór hópur fólks sem ekki styður þessa ákvörðun.Ég vil óska honum góðs gengis og vona að ró komist innann borgarstjórnarinnar almennt.

Vilhjálmur Þ. Vilhjálmsson víkur ekki

Er ástæða að vera með svona yfirlýsingar !

Eftir mjög svo umdeilda yfirtöku meirihlutans í borgarstjórn,verð ég nú að segja að  svona yfirlýsingar hvað varðar flugvöllinn eru allskostar óviðeigandi nú sem stendur.Við vitum öll að flugvöllurinn er ekkert að fara á næstunni,ekki  fyrr en undir 2025 það eru 17 ár í það.

Flugvöllurinn er hjartans mál nýja Borgarstjórans,er einhver ástæða til að gefa minnihluta byr undir vængi með óeiningu innann meirihlutans,ég held ekki.Það logar allt í borginni vegna yfirtökuna og mér finnst að nýr meirihluti verði að ræða málin af skynsemi án stórra yfirlýsinga,það á ekki  við nú eins og málin standa í dag.

Vilja íbúðabyggð í Vatnsmýri

Ósæmileg hegðun á pöllum borgarstjórnarhússins !

Ég reyndi að fylgjast með sjónvarpi þegar nýr Borgarstjóri tók við völdum,ég verð nú að segja að við verðum að sýna smá stillingu.Hvort sem okkur líkar betur eða verr við býja borgarstjórn,þá eru svona ólæti eins og voru á pöllunum ekki til góðs,og Íslendingum ekki til sóma.

Stjórnmál kalla ekki allt ömmu sína og þetta sem hefur verið að gerast í borgarstjórn núna undanfarna mánuði sýnir það,en við kjósendur höfum lítið að segja þegar búið er að ákveða einhvern hlut við verðum bara að sætta okkur við og gera gott úr.

Það eina sem í raun hrífur þegar á reynir er einfaldlega að fara ekki að kjósa ef við erum ósátt við eitthvað, eða kjósa á skjön við það sem við og þið hafið gert áður.

Við kjósendur verðum oft að sætta okkur við ef okkar fólk kemst ekki að, og það gerist ekkert,alls ekkert,því segi ég eigum við ekki að halda ró okkar og gefa Ólafi F Magnússyni tækifæri.

Ólafur: Aðalatriði að ég starfi af heilindum

Ekki ætla ég að skrifa undir.

Þó ég sé ekki par hrifin af uppátæki minna manna og tilkomu þeirra aftur til valda í borginni,þá mundi mér aldrei detta í hug að skrifa undir lista til að koma þeim aftur frá völdum.Ég bara vona að þessi nýi meirihluti haldist og friður komist á borgarstjórnar mál.Vinstri menn hafa haft borgina í ein 12 ár ef ég man rétt,og nú mega aðrir spreyta sig.

Mótmæla nýjum meirihluta í borginni

Stærsti skemmtistaður í heimi???

Ég er ekki af þeirri kynslóða að geta skilið þessa auglýsingu.Þegar ég sá auglýsinguna frá fyrirtækinu Nova ,þá hélt ég að þetta væri í raun skemmtistaður,og hugsaði jæja nú erum við að fá glæsilegan skemmtistað,ég beið og beið og aldrei kom neinn skemmtistaður,alltaf hékk auglýsingin utan á húsinu í Lágmúlanum,og hangir væntanlega enn.

Hvernig á maður að skilja að fjarskiptafyrirtæki auglýsi sig sem stærsta skemmtistað í heimi,hvað er svona skemmtilegt við fjarskipti,eru fjarskipti ekki bara nauðsynleg fyrir alla aðila,það hefði ég haldið.

Nova kærir Símann til Samkeppniseftirlits