Sendimenn dauðans ...

Þeir stóðu stoltir með LJÁRINN í hendinni á lúxus skútu sem þeir höfðu tekið á leigu,þeir sigldu um höfin blá að safna efni dauðans til að fullkoma verk sitt,að dreifa hinu mannskemmandi efni til ungmenna hér litlu eyjunni Íslandi.Þetta var þaul skipulagt,jú það átti að eyðileggja líf margra ungmenna fara í skóla og fara á skólaböll,í frímínútur og bjóða ungdómnum skammtíma gleði. Hvar er fjölskyldufaðirinn sem er búinn að fjármagna þessa flutninga,hann er einhverstaðar úti í bæ,enginn veit af honum hann sefur rólega með óskemmdri fjölskyldu sinni,því miður.

Rúmlega sextíu kíló af amfetamíni og e-töflum

Meintur barnaníðingur flýr til Spánar...

Ekki er ég hrifin af því að meintur barnaníðingur setjist að á Spáni,en ef þessi níðingur heldur að það sé tekið á honum með silkihönskum á Spáni þá er eins gott fyrir hann að koma sem fyrst heim og taka út þá refsingu sem fyrir honum liggur hér á Íslandi,refsingar í svona máli hér er hvort sem er svo skammarlega litlar að það hálfa væri nóg.Segjum að hann geri eitthvað af sér á Spáni,svona menn geta ekki verið lengi án þess að stunda þessa viðbjóðslegu iðju sína,þá yrði hann að dúsa í fangelsi í viss mörg ár og ekki eru öll fangelsi þar eins og hótel ó,nei,og baraníðingar fá ekki frið í Spænsku fangelsum frá hendi hinna fanganna,og bara sú niðurlæging sem samfangar hans myndu sýna honum væri gott á hann.

Ég fagna þessarri herferð Spánverja...

Þetta er góð tilraun hjá Spánverjum að koma með svona auglýsingar til að letja væntanlega innflytjendur til að leggja í þetta stórhættulega ferðalag.Innflytjenda mál er mikið vandamál á Spáni,að ströndum Spánar streyma að ólöglegir innflytjendur á smá kænum daglega,og eru þær svo yfirfullaraf fólki að lygilegt er,það sorglega við þetta er það að þetta fólk er búið að greiða samlöndum sínum sem skipulögðu ferðina stórfé til að komast.Stjórnvöld reyna eftir bestu getu að hjálpa fólkinu en það er aldrei nóg,það er eins og þegar verið er að fylla brunn af vatni sem hefur engan botn,hann fyllist aldrei.Þeir sem fylgjast með  Spænskum fréttunum fyllast óhug að sjá hvað blessað fólkið leggur á sig til að veita sér og sínum betra líf.Um borð í bátunum er að finna heilu fjölskyldurnar og oft á tíðum ná þessir yfirfullu bátar ekki að landi og þá farast flestir sem er um borð.Þetta er svo sorglegt að það er varla hægt að lýsa því.Svo þegar þetta blessað fólk fær einhverja fótfestu á Spáni, þá fá þau vinnu við lélegustu störfin.Ég hef oftar en einu sinni lent í því að veitingarstað að karlmaður frá Afríku kemur inn á veitingarstaðinn og er að reyna að selja úr,DVD diska,sólgleraugu,styttur frá sínu heima landi og fl.og yfir 1-2 klt sem ég hef setið á veitingarstaðnum hafa ekki bara einn Afríkubúi komið þeir haf verið allt upp í 10 og ekki selja þeir mikið.Misjöfn eru gæði fólks í heiminum,sorglegt er að vita til þess að til skuli vera  fólk sem þarf að leggja líf sitt og fjölskyldu sinnar í hættu til að lifa mannsæmandi lífi.

Spænsk auglýsingaherferð gegn ólöglegum ferðum frá Afríku

N um McCann málið...

Nú segjast foreldrarnir ætla að rjúfa þögnina og sega frá því hvernig erfðarefni úr Madeleine litu komst í bílaleigu bílinn.Þau verða í raun að fara að opna sig,portúgalska lögreglan kvartar yfir því að þau séu loðin í svörum og hafa ekki svarað 40 spurningum sem lagðar voru fyrir þau,nú hefur portúgalska lögreglan farið fram á að breska lögreglan spyrji hjónin út í þessar spurningar,sem þau væntanlega svara.Ég álít að það sé mjög auðvelt fyrir þau að segja hvað sem er í sambandi við erfðarefnin,að þau komi úr tvíburunum,ég veit ekkert um erfðarefni en ég hélt að hver manneskja ætti sín eigin erfðarefni,kannski er það vitleysa í mér.Ef þau eru fullkomlega saklaus af hverju þurfa þau að ráða til sín frægasta og væntanlega dýrasta lögfræðing Bretaveldis,þann sem varði fyrrverandi einræðisherra  Chile,og ekki hann neinn engill,hann var hreinn og beinn glæpamaður.Hjónin eru saklaus þar til sekt er sönnuð,en óneitanlega finnst mér þetta mál vera eins og allsherjar drullupollur,og þar hjálpa hjónin ekki til,því þau koma ekki alveg hreint fram,og á meðan svona er þá halda þau áfram með auglýsingaherferð til að leita að Madeleine litlu.Þó svo að ég trúi hjónunum ekki alveg,þá skiptir mitt álit engu,en ég vona svo sannarlega að barnið finnist á lífi og að hjónin séu saklaus.

Foreldrar Madeleine sögð ætla að rjúfa þögnina

Ja hérna og jæja á nú að stefna Guði fyrir allt sem ill fer í heiminum !!! !!!

Ég held að það sé ekki alveg í lagi með suma,nú ætlar þingmaðurinn að stefna Guði fyrir allt það illa sem gerist í heiminum,öll stríð,jarðskjálfta,veðurofsa,ólæti á heimilum nefndu það.Guð er mjög máttugur en Guð minn almáttugur, ekki getum við kennt honum um allt sem illa fer,við hljótum að bera líka einhverja ábyrgð sjálf,það erum jú við mannfólkið sem byrjum stríð sem hefur deytt milljónir manna. Fyrst hann vill kenna Guði fyrir allt það vonda sem gerist má þá ekki í leiðinni þakka Guði fyrir allt það góða sem gerist sem er mjög margt.En mer sýnist reyndar að maðurinn sé að gera stólpa grín af Bandarísku réttarkerfi,og ef svo er þá er hann reyna að leggja Golíat,og ef honum tekst það þá kemst hann í Guða tölu.

Bandarískur stjórnmálamaður í mál við Guð

N um Madeleine McCann...

Félagsmála yfirvöld eru búin að ræða við McCann hjónin sem eiga yfir höfði sér að missa forræðið yfir tvíburunum litlu.Nú hefur saksóknari í Portúgal sem tók að sér málið farið fram á að láta leita í kirkjunni sem McCann hjónin sóttu messu og höfðu lykil af,en það er víst ekki búið að leita enn.Í dagbók sem Kate McCann hélt kvartaði  hún undan ærslagangi Madeleine litlu og yfirgangi og einnig hve litla hjálp hún fengi frá eiginmanninum.Hún segir í dagbókinni að hún sé að þrotum komin,með þrjú ung börn.Lögreglu yfirvöld sem eru með getgátur um að lík barnsins hafi verið kastað í sjóinn,og hafa þeir yfirheyrt Englending sem á skemmtibát sem liggur við The Ocean Clubb í Praia de luz. 

Pólverjar í Bolungarvík krefjast pólskukennslu fyrir börnin sín...

Ég las í Fréttablaðinu frétt, þar sem Pólverjar eru ósáttir við að pólskukennsla var lögð niður í grunnskólanum í Bolungarvík,og krefjast þess að pólska verði kennd áfram,þar sem hún hefur verið kennd í sex ár.Ég verð nú að segja að ég er hissa á því að pólska hafi verið kennd í grunnskólanum öll þessi ár.Þó svo að Pólverjar sér stór hópur innflytjenda á Vestfjörðum þá get ég ekki séð ástæðu til að taka upp kennslu í þessu tungumáli frekar en öðru.Innflytjendur verða að aðlaga sig að breyttum aðstæðum í lífi sínu og reyna eftir bestu getu að aðlagast því landi sem þeir flytja til.Við höfum í gegnum árin fengið mikið af innflytjendum frá hinum og þessum löndum í heiminum eins og t.d. flóttafólk frá Víetnam,stór hópur er hér frá Thailandi svo eitthvað sé nefnt.Ef við ættum að hlaupa eftir öllum þeim óskum sem innflytjendur fara frammá þá myndi íslenskt samfélag riðlast,og veikjast .Skólakerfið býður uppá vissar greinar sem skilda er að fara eftir,en ef hver og einn innflytjenda hópur krefst þess að tungumál þeirra sé kennt í skólanum þar sem börnin þeirra eru að læra,það gengur bara alls ekki.Það væri allsherjar "kaos".Tvítyngi er mjög góður kostur og meira en sjálfsagður í blönduðum hjónaböndum og hjá innflytjendum,en það  er undir foreldrunum sjálfum komið að sjá til þess að börnin þeirra læri tungumál þeirra.Að sjá til þess að barn verði tvítyngt er ekki gert bara einn,tveir og þrír,nei það krefst mikillar þolinmæði,þrautseigju og oft á tíðum mikilla vonbrigða,en ljósið skín á endanum og barnið fer að tala hitt tungumálið eins og ekkert sé,og það eru mikil forréttindi.Ekki finnst mér nóg að börnin læri hitt tungumálið þau eiga einnig að læra um land og þjóð,og þekkja menningu og siði beggja landa.Þetta verða foreldrarnir að gera fyrir börnin sín til þess að þau veri góðir borgarar á Íslandi og einnig í hinu landinu.

Jakkafata,dragta og annað vinnufólk ...

Ég hef verið að velta því fyrir mér,hvernig standi á því að þeir sem vinna í bönkum,kaupþingum og öðrum líkum stofnunum séu með þrefalt meiri laun en þeir sem eru að passa börn þeirra og okkar.Ég hefði haldið að börnin okkar væri það mikilvægasta og þau ættu skilið það allra besta sem hægt væri að útvega þeim, en svo virðist ekki vera fyrir ákveðinn hóp í þjóðfélaginu,og þá á ég við þá sem stjórna launamálum landsmanna.Ég á ekki orð,hvernig er þetta hægt að þeir sem passa peningana okkar séu með margfalt hærri laun en leikskólakennari,og grunnskólakennari.Svo er orðið í þessu og öðrum þjóðfélögum að við menntum okkur alltaf meir og meir og vitaskuld viljum við nota okkar menntun jafnt konur sem karlar,afleiðingin verður sú að börnin þurfa að vera lengri og lengri tíma í pössun á leikskólum og eftir að þau eru komin í skóla þá þurfa þau að vera í skólapössun til kl 17.00.Þetta segir okkur að við erum með börnunum okkar aðeins nokkra tíma á dag á meðan þau borða ,morgunverð og kvöldverð.Hverjir eru þá með börnunum okkar,jú það er starfsfólk leikskólanna og grunnskólanna,starf þeirra er það mikilvægt að þau eiga skilið að fá mannsæmandi laun.Við foreldrarnir ásamt þessum starfshópi sem ég nefndi eru þau sem koma börnum okkar til manns og hjálpum þeim að velja rétta leið í framtíðinni,svo ég gleymi ekki ömmunum og öfunum,(það verður bloggað um það sér).Ég skora á stjórnvöld að greiða þessum starfshópum sem sjá um börnin okkar góð laun,til þess að í framtíðinni komi ekki til þessi vandræði sem verið hefur til þessa vegna lágra launa.

Vita einhverjir hver Sean og Amelie McCann eru ?

Jú sennilega eru einhverjir sem vita það,en þetta eru TVÍBURARNIR,börn McCann hjónanna.Á meðan við alheimur veltum okkur uppúr fréttum um hvarf Madeleine,þá hugsum við ekki að sama skapi um tvíburana litlu.Hugsandi aðeins til þeirra þá hljóta þau að líða fyrir þær hörmungar sem foreldrarnir eru að gagna í gegnum.Nú eru félagsmála yfirvöld í bænum þar sem hjónin búa,komin á fullt með að athuga hvort tvíburarnir fái nóga ummönnum frá foreldrum sínum vegna réttarstöðu þeirra.McCann hjónin eiga jafnvel yfir höfði sér að börnin vera tekin af þeim.Það er ekki hægt annað en að vorkenna þessum blessuðum börnum,þau þurfa að upplifa allt það sama og foreldrarnir,en án þess að skilja hvað er að gerast.Ef tekin er mynd af hjónunum þá birtast myndir af tvíburunum líka.Þau hafa þurft að lifa í 4 mánuði með ljósmyndara,lögreglu og almenning á hælunum.Síðan eru þau í ókunnu umhverfi,án annarra meðlima fjölskyldunnar eins og t.d. ömmu og afa..Saksóknari í Portúgal er búinn að fá skjöl uppá 1000 síður,og sagt er að vegna seinagangs Portúgölsku lögreglunnar getur málið dregist í nokkra mánuði í viðbót.Þá óska ég þess að tvíburarnir fái að vera áfram hjá foreldrum sínum nógu mikið hefur gengið á hjá þeim svo að þau þurfi ekki líka að upplifa það að vera tekin í burt frá foreldrunum.

E þrengist að McCann hjónunum.!

Rannsóknin nálgast dag frá degi meira og meira McCann hjónin,nú er Portúgalska lögreglan búin að staðfesta að 99%líkur séu á því að erfðarefnin sem fundist höfðu í bílnum séu úr Madeleine litlu,og þetta var bílaleigubíll sem hjónin tóku á leigu 25 dögum eftir að barnið hvarf.Ennfremur telur Portúgalska lögreglan líkur á því að lík barnsins hafi verið í allt að 14 daga inni í íbúðinni þar sem fjölskyldan bjó í Algarve Portúgal,hvar hefur hún þá verið geymd.? McCann hjónin fóru frá Portúgal fyrir nokkrum dögum með þau einu skilyrði að þau létu vita af sér á 5 daga fresti,nú eru þau að leita sér að góðum lögfræðingi, og hafa þau leitað til Micael Caplan lögfræðings sem meðal annars varði einræðisherrann Agusto Pinochet árið 1999.Lögreglan í Portúgal neitar því ekki að möguleiki sé á samvinnu milli Bretlands og Portúgals,hvað varðar yfirheyrslum á McCann hjónunum.Þetta er hræðilegur harmleikur hvernig sem málið endar.En segjum svo að þau séu sek,sem ekki er svo ótrúlegt,hvernig hafa þau getað sem foreldrar verið svona köld ,þau hvorki blikna né fella tár í augsýn almennings.Hvernig hafa þau getað hrundið af stað öllu fjölmiðla fári,og söfnun,það er búið að safna fyrir milljónir og þekkt fólk um allan heim hefur tekið þátt í þessu með þeim,þau hafa farið til páfa og kysst á hendi hans.Þvílík hræsni ef þau eru sek og það þarf að hafa ískalt blóð og jafnvel frosið til að geta gert þetta.Það er einmitt þetta sem mér hefur fundist frá fyrsta degi skrítið,McCann hjónin eru svo köld að þau gætu verið marmarastyttur. 

Portúgalska lögreglan segir DNA-sýni afdráttarlaus