Jóla-sveinar einn og átta,jóla-sveinka ein og átta.

Nú  fara jólasveinarnir að koma einn af öðrum,mjög skemmtilegur tími fyrir alla fjölskylduna.Þeir heita enn jóla-sveinar,en bíðum við getur verið að einhverjir fara frammá að breyta nafninu.Getur verið að femínistar vilji fá kvenna jóla-sveinku,það er ekki jafnrétti á meðan við höfum bara jóla-sveina segja þær,kvennakvóti verður að vera í þessu eins og öðru.

Fyrsti sveinninn til byggða

Hvað með konur,þurfa þær líka pössun.

Ég held nú að það verði ekki margir karlmenn sem láta sjá sig í þessu pabba pössunar herbergi,ég geri ráð fyrir að þeir hafi meiri sómatilfinningu en það að láta sjá sig í slíkum geymslum.Ef konur fara að versla þá held ég að þær séu oftast að versla fyrir heimilið.Hvað eiga þær að gera, láta allt lönd og leið og setjast í sér herbergi fyrir konur og  horfa á Dr.Phil og karlarnir í öðru sér herbergi að horfa á boltaleiki.Hver á að sjá um innkaupin,er ekki best að þau geri það í sameiningu þegar þau geta.

Pabbar í pössun í Hagkaupum

Skemmdarfík unglinga !

Ég vaknaði í nótt um kl 04:30 við gífulegan hávaða fyrir utan húsið hjá mér,ég var fljót út í glugga því ég hélt að það væri verið að ráðast inn í kyrrstæða bíla,nei ekki aldeilis.Það sem ég sá voru tveir ungir drengir á milli 15-16 ára gamlir á fullu að brjóta glerið í strætóskýlinu sem stendur fyrir utan húsið hjá mér,þeim tókst allavega að brjóta tvö gler.Ég var fljót í símann og lét vita af þessu.

Það sem ég spyr sjálfa mig,hvað eru unglingar á þessum aldri að gera um kl 04:30 aðfaranótt þriðjudags,ættu þeir ekki að vera heima hjá sér sofandi ? Þurfa þeir ekki að mæta í skólann á morgnana? Hvernig er með foreldrana vita þeir ekki hvað börnin þeirra eru að gera og fylgjast þeir ekki með því hvort unglingurinn þeirra séu heima í rúminu sínu ?

Þegar unglingur er staðinn að verki við slíka skemmdarstarfsemi,þá finnst mér að það ætti að setja þá í vinnugalla frá borginni helst merkta ÉG BRAUT GLERIÐ,og láta þá hreinsa upp eftir sig í návist allra.Ég veit ekki hvort þessi aðferð dugi til að fá unglinga sem haga sér svona til að hugsa og skammast sín,en það  mætti reyna.

 

Hvar er Madelaine litla,rannsók að hætta.

Nú á að hætta rannsókn á hvarfi Madelaine litlu,kannski engin furða ég hef lesið frétt  þar sem sagt er frá því að  yfir 200 börn hafa horfið síðan í maí í Portúgal og öll fundist nema Madelaine litla.Ennfremur eru foreldrarnir komnir með sérstaka rannsóknarnefnd,til að rannsaka málið.Frá fyrsta degi hafa komið nýjar og nýjar ábendingar frá foreldrunum um hvar telpan gæti verið,núna síðast að hún væri á lífi í Marokkó,hver veit.Best að Bretar taki rannsóknina í sínar hendur,þeir hafa aldrei treyst Portúgölum til að finna barnið.

Rannsókn á hvarfi Madeleine brátt hætt

Óþolandi afskiptasemi !

Hvað er að Bandaríkjamönnum,halda þeir virkilega að þeir hafi neitunarvald hvar sem er í heiminum.Hvað kemur það þeim við hvort Íslenskt flugfélag flýgur til Kúbu eða ekki.Eru Flugleiðir ekki búnir að borg fyrir vélina,hún er í þeirra eign.

Bandaríkjamenn halda væntanlega að allt sem er mitt sé þeirra líka,allavega vilja þeir hafa það þannig,og það er auðséð að það er ekki bara olían sem þeir vilja stjórna í heiminum einnig flugi.

Ég held að þeir ættu að líta sér nær og reyna að stjórna því sem þeir þurfa að stjórna á heimaslóðum,ég er nær örugg á því að á ýmsum málum er mikil  þörf að taka á.

 

 

Finna að Kúbu-flugi íslenskra flugfélaga

Nýtt um Madelaine McCann litlu !

Lesið sjálf slóðina fá Sunday Mirror,þar kemur ýmislegt nýtt fram frá sjónarmiði Breta sjá slóð:

ttp://www.sundaymirror.co.uk/news/sunday/2007/11/18/madeleine-alive-we-re-100-certain-98487-20123788/

 

Hverjir leyfa gistingu í hesthúsi !!!

Við skulum ekki dæma þá útlendinga of hart sem búa á þessum stöðum,þetta er oft fólk sem ekki er vant sömu þægindum og við hér á Íslandi,þeir koma hingað til að vinna og þéna peninga til að geta séð sér og sínum farboða í sínu heimalandi.

Nú kemur stór spurningin,hver leyfir slíka gisting fyrir þetta fólk ? er það ekki einmitt þar sem þarf að taka á málunum.Hverjir leyfa sér að bjóða þessu vinnufólki gistingu í afdala hesthúsi ?

Eru það vinnuveitendur? Ég veit það ekki,eru það kannski eigendur hesthúðana ? Ég veit það ekki heldur.Eina sem mig grunar er að þessir vinnumenn geta ekki greitt þá húsaleigu sem er á markaðinum í dag,því ef þeir gætu það þá þyrftu þeir ekki að koma til Íslands til að vinna.

Ef við Íslendingar þurfum á erlendu vinnuafli að halda þá verð ég nú að segja að okkur ber skilda til að bjóða þetta fólk velkomið og búa þannig í haginn að þeim líði vel hér.Ef við hugsum örlítið í okkar eigin barm,mörg af okkur höfum verið erlendis bæði við vinnu og nám.Hvað er það fyrsta sem við gerum,jú, við reynum að koma okkur sómasamlega fyrir og búa okkur til heimili. Heimili er nokkuð sem okkur er öllum nauðsyn,og það er sama í hvaða þjóðfélagsstétt við erum og af hvaða litarhætti,þetta ættu þeir að hafa í huga þeir sem leigja þessum vinnumönnum afdala hesthús.

 

 

 

Útlendingar búa alls staðar

Hér er verið að setja plástur yfir sárið !

Nú er ég aldeilis hissa,á nú að fjölga bílastæðum á meðan húsnæðið sem innanlandaflug býr við er til háborinnar skammar.Ég held að það sé bara til að ýfa upp sárið og setja plástur yfir.

Mín óskastaða væri að færa húsnæðið fyrir innanlandsflug yfir þeim megin sem Hótel Loftleiðir er og byggja nýja samgöngumiðstöð,það er nóg pláss á því svæði.Háskólinn í Reykjavík er byrjadaður að byggja á þessu svæði og af hverju ekki að bæta við samgöngumiðstöð.

Innanlandsflugvöllur þjónar ekki bara landsbyggðinni,frá þessum flugvelli fara flug til Grænlands og Færeyja.Þegar ég var barn þá var utanlandsflug farið frá Reykjavíkur flugvelli,og þá fannst mér allt í sambandi við flugið og flugvöllinn svaka flott.Ég er nú ekki ein af þeim sem nota innanlandsflug mikið en ég fór í vor til Færeyja,ég var ekkert lítið hissa þegar ég sá að flugstöðvarbyggingin sem ég sá í hyllingum sem barn hafði nær ekkert breyst og það eru nokkuð mörg ár síðan,byggingin er barn sína tíma og í velferðaþjóðfélagi sem þessu er varla hægt að bjóða uppá slíka aðstöðu.Ég skora á borgarstjórann að taka til höndunum og byggja nýja flugstöðvabyggingu hinu megin við flugvöllinn.

Bílastæðum við Reykjavíkurflugvöll fjölgað um helming

Þori ekki,vil ekki og tími ekki !!

Ég vona að ég þurfi ekki að leita út fyrir landsteinanna til að fara í svona laiser aðgerð með mín pínu litlu bláu augu,né hér landi.Ég er viss um að aðgerðir sem þessar eru mun ódýrari erlendis en hér,en svo á einnig við um margt annað,ég ætla að telja upp:

Bílar,íbúðir,einbýlishús,fatnaður,skartgripir,matur af öllu tagi,leikföng,nú er ég hætt að telja.Flest er í raun um 30-40% dýrara hér en erlendis,en hvað getum við gert.Eigum við alltaf að hlaupa erlendis til að kaupa ódýrt,það getum við ekki,við getum jú farið í helgarferðir og keypt eitthvað smávegis en ekki hús og íbúðir.Íslenskt þjóðfélag er dýrt.

Þeir sem þurfa að fara í svona aðgerðir í raun,borga örugglega minna jafnvel ekkert, en þeir sem eru að fara vegna þess að þeir vilja ekki lengur ganga með gleraugu. Ég efast um  að íslenskir læknar hafi lakari menntun en þeir sem erlendis eru,sennilega eru þeir betur menntaðir ef eitthvað er,og ef ég þarf í framtíðinni að fara í svona aðgerð þá færi ég hér á Íslandi.

 

Þrír milljarðar í augun

Valur er það ekki íþróttafélag ???

Ekki finnst mér hugmyndir Valsara vera ungviðnum til fyrirmyndar,ég vissi ekki betur en að þetta væri íþróttafélag,og í vinsælli kantinum.Ég veit vel að íþróttafélög eru svelt peningalega séð og verða þeir að útvega sér peninga með sölu á hinum og þessum varningi,og taka foreldrar þátt í þessu af fullum kraft.En að ætla sér að útvega peninga til íþróttamála með sölu á áfengi í húsakynnum sínum finnst mér full langt gengið.

Þetta segir okkur að íþróttafélög yfirleitt þurfa á góðum fjárstuðning að halda frá yfirvöldum til þess að svona hugmyndir fái ekki að blómstra innann félaganna.Skólarnir og íþróttafélögin eiga að vera góð fyrirmynd barnanna okkar.

Valsmenn vilja selja áfengi í hátíðarsal sínum öll kvöld