Ég er afturhaldsseggur í áfengismálum,ég segi nei,ekki í matvöruverslanir !

Ég ætla ekki að dæma hvort Guðlaugur Þór sé hæfur sem ráðherra vegna þess að hann er með þessu frumvarpi,hann um það.Það sem ég vildi koma á framfæri,er,hvers vegna erum við með þessi tollalög.Á Keflavíkurflugvelli, megum við ekki kaupa nema viss mikinn bjór og viss mikið af sterku víni á ekki að leyfa okkur að kaupa eins mikið að öllu víni eins og við viljum.Megum við ekki líka kaupa hvað sem er,hvers vegna erum við með tollara við komuna til landsins.?

Efast um hæfni heilbrigðisráðherrans til að gegna embætti

Hver er ástæða flutningana,það finnst mér skipta meira máli .

Verið getur að íslensk flugvél á vegum Loftleiða leiguflugs hafi verið notuð til að flytja börnin frá Tsjad til Frakklands,og ekki getum við amast út í það, því vélin var í leigu hjá Spænsku  flugfélagi.Mér finnst í raun ekki skipta máli hvaða vél eða hvaða flugfélag flutti börnin ólöglega. Aðalatriðið að mínu mati er ástæðan fyrir flutningnum,af hverju voru þau flutt til Frakklands,hver er framtíð þeirra þar,eða á að flytja þau eitthvað enn lengra,hvað bíður þeirra???

Íslensk flugvél notuð við ólöglegan flutning barna

Hugmyndasmiður vildarsjóðsins ætti að fá Íslensku Fálkaorðuna.

Ef einhver ætti skilið að fá Íslensku Fálkaorðuna þá er það sú kona sem átti hugmyndina að Vildarbörnum,þessi kona lætur lítið yfir sér og vill ekki láta bera á sér,en hrós á hún svo sannarlega skilið fyrir þetta frábæra framtak.Þessi sjóður hefur gefið mörgum sjúkum börnum tækifæri til að ferðast til annarra landa og foreldrum þeirra.Ég hvet alla sem ferðast erlendis og eru með smáaura aflögu að láta það renna í Vildarsjóðinn,bara biðja flugfreyjurnar um poka frá Vildarsjóðnum það hjálpar svo sannarlega.

 

40 börn komast í draumaferðina fyrir tilstilli Vildarbarna

N um McCann málið,forerldrarnir með nýja herferð.

Ekki veit maður lengur hverju maður á að trúa,allt í einu er komin teiknuð mynd a manni berandi barn í fanginu,hvað segir þessi mynd okkur,jú alls ekki neitt.Maðurinn á að hafa verið um 170cm að hæð og aldur á milli 35-40,þetta er hlægilegt,gæti verið hver sem er.

Þessi kona frú Tanner sagði mörgum mánuðum eftir 9 manna hópurinn borðaða síðustu kvöldmáltíðina saman, að hún hefði séð mann hegða sér undarlega fyrir framan Oceano Club íbúðirnar,einnig sagðist hún haf séð mann bera barn í fanginu frá íbúðunum og þetta var kl 21:15 annar úr hópnum sagði að frú Tanner hafi hvergi verið nærri íbúðunum.Hvað er Oceano Club 9 hópurinn að gera,er þetta samantekið ráð.?

Ég er farin að halda að þessi kvöldmátíð hafi verið plönuð af hópnum vitandi vits til að rugla fyrir einhverju sem hafði gerst,hvað gerðist og hvenær það vitum við ekki,og fáum seint að vita.

 

 

Mynd birt af hugsanlegum ræningja Madeleine

Ekki vera svona barnalegir og setja alla undir sama hatt,við erum öll venjuleg !!!

Í Morgunblaðinu í dag á bls.9 er viðtal við ungann alþingismann,einn af mörgum sem vilja leyfa sölu áfengis í matvöruverslunum.Þar bendir hann á ýmislegt hvað verðar þetta frumvarp,og ætla ég ekki að tíunda það hér,en það sem ég hjó eftir er það að ég er óvenjuleg.Í greininni er hann spurður hvort hann búist við því að frumvarpinu verði breytt,ungi alþingismaðurinn segist búast við því en :

"Hins vegar finnum við fyrir miklum stuðningi frá "venjulegu fólki". Hann segist ekki skilja af hverju þurfi að ræða þessi má með þeim hætti sem hefur verið gert.Það er fullt af venjulegu fólki sem ekki á við nein áfengisvandamál að stríða,og samkvæmt þeim sem styðja frumvarpið er engin ástæða til að láta meirihlutann gjalda fyrir að einhverjir hafa farið út af sporinu."

Ég var svo hissa þegar ég las þetta í morgun,ég hugsaði með sjálfri mér,heyrðu María hefur þú farið út af sporinu,og þá hvaða spori,ég er ein af þessum venjulegu "óvenjulegu manneskjum sem aldrei hefur orðið drukkin um ævina.

Þið sem viljið áfenga drykki inn í matvöruverslanir,ekki vera svona barnalegir,hvernig dettur ykkur í hug að halda fram að flestir þeir sem eru á móti þessu frumvarpi eigi við áfengisvandamál að stríða,það er svo víðsfjarri,það er fullt af "VENJULEGU" fólki sem er á móti frumvarpinu,og kunna svo sannarlega að drekka áfengi og misnota það ekki á nokkurn hátt.

 

Já það er alveg voðalegt að ferðin breyttist í fjölskylduferð !!

Lífið er bara svona stundum,það getur verið að þetta atvik sé að kenna fjölskyldunni að hún eigi að vera saman í fríi,ekki að einhverjir aðilar úr fjölskyldunni séu uppteknir allan daginn að leika sér að slá bolta,og ekki bara í einn klukkutíma, eða tvo það fer allur dagurinn í þetta.Fjölskyldan verður að hafa áhuga á sömu "íþrótt" svo að vel geti farið.

Ég hef oft séð það í ferðum að hjón fara saman í ferð t.d. til sólarlanda,strax daginn eftir komuna þá er bóndinn tilbúinn á tröppunum kl 09:00 að morgni til með allar græjur og fatnað í stíl,eiginkonan liggjandi alein út við sundlaug ekki vitandi hvað hún eigi að gera með daginn,síðan kemur bóndinn heim aftur um kl 17.00 jafnvel seinna,því það á sko að nota tímann.

Ég held bara að Icelandair sé fjölskylduvænt flugfélag.

Icelandair skildi 30 golfsett eftir á Íslandi

Núverandi meirihluti fann ekki upp hjólið..

Hvað varðar sundlaug í Fossvogsdal,þá hefur hverfafélag Sjálfstæðismanna í 108 Reykjavík þ.e. Bústaðar,Fossvogs og Smáíbúðar hverfis margsinnis rætt við borgarfulltrúa í Reykjavík og Kópavogi vegna óska um sundlaug.það er ekki hægt öðruvísi en í samvinnu við Kópavog. Í þessu hverfi eru einir 4 skólar og er því aðeins ein sundlaug til að mæta kröfum um sundkennslu í skólunum og hún er lítil 12 m,laug í Breiðagerðisskóla.

Hægt er að fara allt til 1993-1994 þá var Guðmundur Jónsson formaður hverfafélagsins síðan hann hætti hafa verið tveir aðrir formenn formenn,núverandi formaður Jóna Lárusdóttir hefur verið í umræðuhóp ásamt öðrum fulltrúum úr hverfinu og hafa þau fundað  mjög nýlega um þetta mál.Þar sem hef setið í stjórn hverfafélagsins í ein 12 ár veit ég af þessum óskum.Við í hverfafélagi Bústaðar,Fossvogs og Smáíbúðahverfis höfum haft ágætis hugmyndir hvað varðar sundlaug og útivistasvæði í Fossvogsdal,en þær hafa ekki komist upp á yfirborðið vegna þess að við höfum ekki haft borgina nema í rúmt ár síðastliðin 15 ár.

Ef meirihluti hefur áhuga á þessu,þá er það hið besta mál.Til að koma í veg fyrir að Fossvogurinn verði fyrir stórtjóni vegna vegalagna í gegnum dalinn þá eigum við að berjast fyrir því að dalurinn verði gerður að virkilega glæsilegu útivistarsvæði,sem það er en mætti vera betra.

Hugmynd að sundlaug í Fossvogsdal

Aumingja maðurinn að vera svona mikil skepna,hreinn viðbjóður.!!!

Ég get ekki bloggað um þetta,því mér finnst þetta vera svo viðbjóðslegt mál.Það sem þetta mál hefur sýnt mér er það hvað samvinna milli landa er nauðsynleg,þetta mál hefði ekki upplýsts ef þessi samvinna hefði ekki verið,og svona ætti samvinnan að vera í fleiri málum.Í máli Madeleine McCann hefur fólk oft verið að hnýsast í Portúgölsku lögregluna að hún þurfi hjálp frá Bretlandi er þetta ekki einmitt það sem málið snýst um samvinna á sem flestum sviðum.

Meintur barnaníðingur dæmdur í 12 daga varðhald í Thaílandi

Ég er kölluð aturhald,hvernig er með lyfin eiga þau líka að seljast i matvöruverslunum?

Þetta er þriðja grein mín sem ég skrifa um þetta mál,ég er kölluð afturhald vegna skoðana minna,mér líkar það vel vegna þess að þá veit ég að ég fylgi ekki straumnum,enda hef ég aldrei gert það.

Nú spyr ég,hvernig er með lyf eiga þau ekki líka að seljast innan um matvöruna.Ef ég þarf á höfuðverkjatöflum þá þarf ég að keyra í næstu lyfjaverslun,þetta er ekki boðlegt, ég vil kaupa wc-rúllur kjöt og lyf allt í einum pakka,Lyf verða ekki misnotuð þó þau séu seld í matvöruverslunum.Þetta eru þau rök sem þeir nota sem vilja fá áfengi inn í matvöruverslanir.Nei lyf verða væntanlega ekki seld innan um matvöruna,einfaldlega vegna þess að það þarf að gæta þess að það séu sérfræðingar sem selja okkur lyfin,ekkert óeðlilegt við það.

Hingað til hefur ekki verið létt að fá mannskap í verslanir,því vil ég ráðleggja ykkur sem viljið kaupa áfengi með matnum ykkar að læra þau tungumál sem töluð eru á afgreiðslukössum í stórmörkuðum,með þessari athugasemd vil ég ekki setja út á starfsfólkið,ég vil einfaldlega benda á að þjónustan verður ekki sú sama og hún er í dag.

Landlæknir: Afnám einkasölu ÁTVR mun auka áfengisneyslu

Í þágu hvers er sala á áfengi í matvöruverslunum ?

Ég held að það komi fáum á óvart að stórmarkaðir eru þegar komnir í startholurnar,þeir eru tilbúnir til að taka á móti bjór og léttvíni í verslanirnar.Það kæmi mér ekki á óvart þó að þessi eilífa umræða séu frá þeirra undirlagi,er það ekki fyrst og fremst í þeirra þágu að fá áfengið inn í verslanirnar.?

Ég horfði á Kastljós þar sem rætt var um þessi mál við Sigurð Kára og Þórlind,ég tók eftir því að Sigurður Kári brosti þegar Þórlindur sagði að löndin í suður Evrópu hefðu verulegar áhyggjur af áfengisneyslu landa sinna, og ætluðu jafnvel að breyta sölu fyrirkomulaginu,Sigurður Kári sýndi með þessu brosi að hann einfaldlega trúði Þórlindi ekki.En ég held að Sigurður Kári ætti að taka Þórlind alvarlega hvað þetta varðar.Ég sem almennur borgar get ég sagt ykkur að það sem Þórlindur sagði er hreinn sannleikur,því ég hef heyrt þessar umræður sjálf í sjónvarpsþætti frá einu suðrænu landi,þar sem áfengir drykkir eru seldir í stórmörkuðum.

Þýðir þetta ekki að við Íslendingar munum stíga spor afturábak ef við leyfum sölu áfengis í matvöruverslunum,á meðan lönd í suður Evrópu hugleiða að taka upp okkar sölukerfi.

Það er hægt að ræða stanslaust um þjónustu við okkur borgarana,en er þetta sú þjónusta sem við þurfum núna á þessari stundu,eru ekki mörg önnur mál sem þarf að leysa á undan.

Í startholunum með Euroshopper-bjór