Þá mega karlar vera ánægðir,við konur vinnum minna en þeir ???

Þá er loks komin skýring af hverju við konurnar erum með lægri laun en karlar,jú við vinnum töluvert minna en þeir,samkvæmt þessari könnun.Ég ætla ekki að rengja þessa könnun,hún hlýtur að vera samviskusamlega gerð.

.Það getur verið að við konur vinnum færri tíma en karlar utan heimilisins,en ef við ættum að mæla í klt og í krónum þá vinnu sem við leggjum á okkur til að halda heimilinu,börnum og fjölskyldunni gangandi(vissulega með hjálp bóndans)þá er ég nú viss um að margir yrðu hissa.Ég hef alltaf litið á það sem forréttindi ef konan getur verið meira heima,að hún sé til staðar þegar börnin koma heim úr skóla,þetta er því miður ekki mælt í peningum.

Við konur höfum margt á könnu okkar,sem ekki er metið í virðingastiganum.Við erum með börn framtíðarinnar í okkar höndum, þau sem taka við,þau sem eiga eftir að gera svona kannanir í framtíðinni. Vonandi þegar að því kemur þá hefur hlutverk konunnar hvort sem er á vinnumarkaðinum eða á heimilinu fengið þá virðingu sem það á skilið.

Karlar vinna tíu stundum meira en konur á viku

Ballið byrjað aftur,á að selja léttvín og bjór í verslunum ?

Þá er byrjað að þrefa eina ferðina enn um hvort selja eigi léttvín og bjór í matvöruverslunum,ég segi nei.Þessir nýju og ungu þingmenn virðast leggja ofuráherslu á þetta máefni,er ekki hægt að ræða eitthvað sem skiptir meira máli.Vín yfir höfuðið er vel sett þar sem það er í sérstökum verslunum,þar sem aðgát er höfð hver kaupir hinar guðlegu veigar.

Íslendingar hafa þann háttinn á að mæla okkur við hinar stóru þjóðir í einu og öllu,líka í þessu máli,ég held að við ættum þá einnig að athuga hvernig ástandið er í áfengismálum hjá þessum þjóðum sem við miðum okkur við.

 Ég þekki til Spánar þar sem áfengir drykkir eru í öllum verslunum og mjög auðvelt að nálgast,en er ástandið gott,nei það er það ekki.Spánverjar hafa stórar áhyggjur af ungviði sínum vegna drykkju,unglingarnir kaupa líters flöskur af sterkum bjór,léttu víni þeir eru ekki eins mikið í sterkur drykkjum þetta kaupa þeir í þegar að helgum kemur og eru þeir að skemmta sér alla nóttina eins og hér á íslandi

.Annað sem er mikið áhyggju efni á Spáni er akstur undir áhrifum áfengis,hvað unglinga varðar þá hefur það verið í tísku í mörg ár að aka á móti umferð á stórri hraðbraut,þar eru unglingarnir að spila rússneska rúllettu, ekki með byssu í þessu tilviki heldur akandi á bíl,það eru fleiri en1 eða tveir sem hafa látið lífið á þennan hátt.Spánverjar hafa gert sérstakt átak til að laga þessi mál hjá sér.

Ef við hugsum okkur hvernig eigi að standa að sölu áfengis í matvöruverslunum,þá hugsa ég að málið muni verða erfitt fyrir þá sem reka verslanirnar.Erfitt er í dag að ráða starfsfólk,og oft á tíðum eru krakkar 14-15 ára að afgreiða í stórmörkuðum,vegna þess að ekki fást aðrir í þessi störf,og er það þetta sem við viljum,að börn afgreiði okkur með áfengi,verður eitthvað léttara að fá starfsfólk í  verslanir eftir að áfengi verður selt þar?.Ég held að þingmennirnir okkar verði að koma sjáfum sér niður á jörðina,þeir þurfa að athuga hvað er að gerast fyrir utan veggja Alþingis,hjá hinum almenna borgara.

Þrefað um sölu á léttvíni og bjór á Alþingi

Þetta er ekki rétt.

Ekki held ég að hægt sé að kenna reynsluleysi fyrrverandi borgarstjórnar,þetta er allt fólk sem setið hefur í minnihluta í borgarstjórn nær 6 ár,sumir lengur.Hvað Vilhjálm varðar þá hefur hann starfað að þessum málum í nær 25 ár ekki er þar að flíka reynsluleysi.Ekki sýnist  mér núverandi borgarstjórn vera miklir reynslugæðingar.Við skulum sjá hvað tekur við hjá nýjum meirihluta,þeirra býður erfitt verk fyrir höndum.Hvað ætli þau muni gera í sambandi við Reykjavíkurflugvöll,síðan er líka gott að þau leysi úr þeim hnútum sem Sjálfstæðisflokkur tók við  t.d.hvað varðar dagvistun barna,það er margt sem bíður þeirra því Vilhjálmur fékk ekki tíma til að vinna úr því sem hann tók við af gamla R-listanum.

„Reynsluleysi sjálfstæðismanna réði því hvernig fór"

Ný Borgarstjórn mynduð með ódrengilegri framkomu Framsóknar.

R-listinn hefur risið ú rekkju eftir ódrengilega framkomu Björns Inga.Ég skal viðurkenna að ég var ekki par hrifin af því sem Sjálfstæðismenn voru að gera,og óskaði í raun eftir því að þeir gengju til baka með það klúður sem myndast hafði,en það varð ekki af því og þannig fór sem fór,og í raun var ég ekki hrifin af því að Vilhjálmur ákvað á sínum tíma að ganga til liðs með Framsókn sem hafði einn mann.Það sem þessi eini maður er búinn að skapa í dag hann fór á bakvið Borgarstjóra,ég held að Vilhjálmur hafi alls ekki átt þetta skolið frá Birni.Hann fellir Borgarstjórn og ný Borgarstjóri tekur við eftir nokkra daga.Mikill er máttur deyjandi flokks.Ég hef aldrei verið hrifin af samankrulli,og álít að 4 flokka Borgarflokkur komi til með að eiga erfiða daga,Ég hef verið ánægð með störf Vilhjálms,en ég vil nú samt óska nýrri Borgarstjórn góðs gengis.  

„Fyrrum minnihluti bjargaði Birni Inga fyrir horn"

Eitt allsherjar klúður.

Svo sannarlega segi ég,þetta er eitt allsherjar klúður,enginn þykist vita neitt um málið og allir eru í því að benda á hvorn annan,eins og lagið segir EKKI BENDA Á MIG....

Það verður forvitnilegt að fylgjast með þessu máli næstu daga,Vinstri Grænir og Frjálslindir sjá sæng sína útbreidda,þeir ætla að kryfja málið til mergjar,það er hið besta mál svo framarlega sem það er gert á réttum grundvelli.

Björn Ingi: Kauprétturinn var mistök

ETA samtökin eru ekkert annað en glæpamenn..

Það er ótrúlegt hvað nokkur hrunduð manns geta gert mikinn usla,ETA samtökin samanstendur af nokkrum hundruð manns beggja megin við landamærin þ.e.a.s. Í Baskahéraðinu Spánarmegin og Frakklandsmegin.Baskahéraðið er margra milljóna hérað,þar búa baskar sem eru bara venjulegt fólk og kæra sig ekkert um að vera annað en Spánverjar,enda hefur það sýnt sig að í hvert skipti sem Batasuna samtökin hafa tekið þátt í kosningum þá hafa þeir fallið eins og skopparakringla niður fjallshlíð.

Baksra eru orðnir þreyttir á herferð og glæpastarfsemi ETA manna,þeir þykjast vera að vinna að lýðræði Baksahéraðs,en þeir eru bara hreinir og beinir glæpamenn.Ég er búin að fylgjast með aðferðum þeirra í meira en 30 ár,og þvílíkur viðbjóður.Þeir stunda mannrán og krefjast lausnargjalds,þannig standa þeir undir vopnakaupum.Þeir ræna saklausum borgarfulltrúum og ef ekki er farið eftir kröfum þeirra þá er viðkomandi bókstaflega tekinn af lífi.

Ég man eftir einu tilfelli fyrir 10-15 árum,þar sem ungur piltur var tekinn af ETA samtökunum,og þar sem ekki var farið strax eftir kröfum þeirra þá var sýnt í sjónvarpinu aftaka hans,hann lá á hnjánum úti í skógi með hendur bundnar fyrir aftan bak og bundið fyrir augu hans,síðan stóð hettubúinn ETA maður með skammbyssu og skaut hann í hnakkann,það var hræðilegt,svona eru ETA menn sem þykjast vera að berjast fyrir lýðræði.Ég vona bara að Spánverjum takist í eitt skipti fyrir öll að berja niður samtök ETA. 

Zapatero segir Spánverja reiðubúna undir baráttu við ETA

Látum ekki andúð okkar bitna á þeim sem eru saklausir !!!

Þó svo að hópur Litháa fari um rænandi og ruplandi,þá vona ég að við látum ekki saklausa Litháa sem búa hér á landi og ganga til sinnar vinnu, finna fyrir andúð vegna fárra sem ekki eru æskilegir hér.Ég veit því miður um tilfelli  Litháar sem búa hér á landi  og vilja helst ekki segja hvaðan þeir koma vegna þess óorðs sem nokkrir einstaklingar hafa komið á landið þeirra,þetta er ekki réttlátt,hér er fullt af Litháum sem eiga sínar fjölskyldur og vinna sína vinnu,ef við setjum okkur í spor þessa fólks þá getur það ekki verið gott að þora ekki að segja ég er Lithái.Allir eiga rétt að vera stoltur af sínu þjóðerni,hvort sem viðkomandi hefur flust úr landi eða ekki.Gott væri að hafa í huga málsháttinn sem segir eitthvað á þessa leið : AÐGÁT SKAL HAFT Í NÆRVERU SÁLAR.

Gæsluvarðhald yfir níu Litháum rennur út á morgun

Útkoma úr könnun um það hvort Ólafur Ragnar eigi að vera áfram á forsetastóli.

Útkoma úr könnun sem ég gerði er nokkuð athyglisverð.Ég spurði hvort Ólafur Ragnar Grímsson ætti að halda áfram sem forseti landsins.Það voru 34 sem svöruðu:

já sögðu 47.1%,  nei sögðu 14.7% ,alls ekki 14.7%,viljum konu sem forseta 14.7% og alveg sama 8%

Er þetta ekki smá sýnishorn af vilja þjóðarinnar? Ef einhver vill breyta útkomu þessarar könnunar þá er hún enn til staðar og möguleiki að taka þátt.

 

Hvað er hægt að gera annað en að vera duglegur !!!

Íslendingar eru jú duglegir,flestir í tveim til þrem vinnum,hvað getum við gert annað.Stór hluti þjóðarinnar lifir ekki af þessum launum sem þeir fá,og hvað er hægt að gera í stöðunni, jú vinna stanslausa aukavinnu,vera minna heima hjá börnunum og koma þeim fyrir á dagheimilum og síðan hjá ættingjum og vinum,ég hef áður sagt í bloggi hjá mér að fjölskyldan hefur breyst að því leiti að foreldrar eru með börnunum á morgnana til að koma þeim á dagheimilið og síðan á kvöldin til að koma þeim í háttinn.Þjóðfélagið hefur mikið breyst að undaförnu,mikil stéttaskipting,margir sem hafa það gott en aðrir sem hafa það virkilega gott,það er svo kallað þotulið, síðan kemur hópur af fólki sem verður að vinna myrkranna á milli,allir vilja hafa það gott segir í einhverju laginu.Þetta er sennilega ein af ástæðum þess að við þykjum duglegust af öllum löndum Evrópu.Er þetta ekki bara blekking,að vera svona ofboðslega dugleg,er það ekki bara knýjandi þörf ?

Íslendingar duglegastir Evrópuþjóðanna

Hverning er hægt að búast við öðru.

Ég býst aldrei við einingu innan stjórnmálaflokka sem er samansafn úr mörgum flokkum.Það segir sig sjálft,þarna safnast saman fólk úr mismunandi flokkum og með mismunandi stjórnmálaskoðanir.Það er ekki nóg að fara úr einum flokki í annan,hver og einn verður að vera samkvæmur sjálfum sér og standa og falla með sínar skoðanir,hvort sem hann eða hún fær þingsæti eða ráðherra stól.Það er allt of algengt að stjórnmálamenn og konur fari í fýlu og skipta um flokk ef allt gengur ekki upp eins og þau höfðu ætlað sér stjórnmál eru svona þið sem veljið að sinna stjórnmálum vitið þetta einn dagur gleði og annar tár,hvar er hugsjónin er hún horfin fyrir bý.

Frjálslyndir í ólgusjó